Сувдан ээмэгээ өнөө өглөө хайгаад олсонгүй. Нэг юм алга болчихоор байж сууж чадахаа больдог зан маань бас л хөдөлж өглөөжингөө энэ тэндхийг онгичов. Яалт ч гүй өнгөрсөн долоо хоногт зүүж байсан юм. Үнэ цэнийг нь мэддэггүй байсан ч бол яахав, ядаж байхад гоёлын чулууны эхний 5-д ордог энэ тэр гээд сонссоноос хойш их хайрлаад байдаг болсон юм. Тэгж тэгж Далай багшийнхаа хэлсэн "Аливааг алдсан ч хичээл сургуулийг бүү алд " гэдэг сургааль үгийг санаад зөндөө зөндөө юмнууд, найз нөхөд, ажил төрөл, надад стиллллл байж л байхад Сувданхан ээмэгний төлөө харамсаад яахав гэж бодлоо.